John Paki, Māori Trustee

Te Kaitiaki Māori

Ko te mahi a te Kaitiaki Māori he:

• Tiaki me te whakatipu i ngā pānga o ngā kaitono me o rātou nā rawa
• Te Whakahaere i ngā raru e pā ana ki ngā whaipānga taurea o te whenua Māori
• Whakahaere tika i ngā rawa o ngā kaitono i runga anō i ngā mātāpono, kawenga hoki o te kaitiakitanga

Ka āwhina te Kaitiaki Māori i te Māori kia whakahaere whenua mā te:

• Mahi hei kaitiaki mō ngā kaiwhaipānga whenua. Ko te tikanga mahi pēnei hei tuku rīhi mō te whenua
• Kohikohi, utu hoki i ngā rēneti ki ngā kaiwhaipānga
• Tāpui pūtea o te rōpū tiaki
• Whakamōhio atu ki ngā kaiwhaipānga kei te pēhea te whakahaere o to rātou whenua
• Rite tonu o te whakaputa rārangi o te pūtea kaōre anō kia tonoa, arā te Unclaimed Moneys List

Ko te Kaitiaki Māori:

• I timata i te tau 1921
• Kei te whakahaerehia i runga anō i te Ture Kaitiaki Māori 1953
• Kei te noho motuhake mai i te Karauna
• Kei te noho papanga ki ngā kaiwhaipānga me te Kōti Whenua Māori

Kaitiaki Māori: Ngā Whakarerekētanga kua whakatakotohia

I te tau 2007 i uiui te kāwanatanga ki te Māori mō ngā whakatakotohanga e pā ana ki te Kaitiaki Māori. I puta mai ēnei whakatakotohanga mai i te arotakenga o te Kaitiaki Māori. E meatia ana kia whakanohoia te Kaitiaki Māori kia tino pai te haere whakamua me te whakatutuki i ngā wero mō te tuku rātonga ki te Māori.

Ko ngā whakatakotohanga matua ko te: whakatū i te Kaitiaki Māori hei rōpū motuhake, ki waho o Te Puni Kōkiri; tuku kawenga kia hanga pūrongo ā-tau ki te Whare Pāremata; tuku kawenga kia rite tonu te arotake me te tīni i te huamoni kei te utua mō te pūtea kei te pūritia ki roto i te “Common Fund”.

Ko te ture hou e hiahiatia ana hei whakatutuki i ēnei whakarerekētanga ka whakauruhia ki te Pāremata hei tētahi wā o te tau 2008.

Ko te Tari o te Kaitiaki Māori ka tautoko i te Kaitiaki Māori hei mahi i āna mahi. Ko te Kaitiaki Māori me te Kaiwhakahaere Whānui o te Tari o te Kaitiaki Māori ko John Paki.

Me titiro hoki ki:

Last modified: 24/04/2008