Ko te koru ka toro atu ki te mārama, e tohe ana kia pai rawa atu, e whakatenatena ana i ngā tīmatanga hou, tau ake hoki.

Ko te koru te tohu o te whakapuaretanga o te oranga hou; ka whānau mai anō ngā mea katoa, ā, ka haere tonu ngā mea katoa. He tohu hoki o te whakahoutanga me te tūmanako mō ngā rangi kei mua i te aroaro.

Kua whakaritea tō mātou taiao mahi hei wetewete i te pūmanawa moe o tō mātou nei rōpū.

He aha te mea nui
He aha te mea nui o te ao?
Maku e kī atu
He tangata, he tangata, he tangata

What is the most important thing?
What is the most important thing in the world?
I will say to you
It is people, It is people, It is people

Ko ngā tāngata te whakatinanatanga o tō mātou nei rōpū. Ka arotahi mātou kia wetewete i te pūmanawa moe o ēnei tāngata kia tū hei kaiārahi me te whakaawe i te whanaketanga o ngā kaupapa e taea ai ngā Māori te whai wāhi atu me te tutuki pai hei Māori.

Te Taiao o te Rōpū

Ka tuku mātou he taiao rōpū e taea ai ngā tāngata te :

• Whai uara, kia harikoa hoki nā te noho i roto i te whānau e noho here ana ki te kaupapa – te Māori kei te whakatutuki moemoeā hei Māori;
• Whanake, mahi me te whai wāhi atu i runga anō i tō rātou pūmanawa moe;
• Whakamaiohatia, utua hoki mō tō rātou whai wāhi atu ki te kaupapa o te Māori e tutuki pai ana;
• Harikoa i roto i te rōpū e whakaata ana i o rātou ake uara. He wāhi rawe hei mahi. Waihoki, ka kaha tautokona te kaupapa kia haurite i waenga i te mahi me te oranga.

Ngā Mātāpono

He mea hira rawa kia tika tō mātou kawe i a mātou anō. Kei a mātou he huinga mātāpono hei ārahi i a mātou i a mātou mahi katoa. Mō te roanga o tēnei kōrero, tirohia “O Mātou Mātāpono”.

Ngā Painga mō te Kaimahi

Te Haurite i waenga i te mahi me te oranga.

He maha noa atu ki te oranga tērā i te mahi. Ka mutu ka whakatenatena o mātou kaimahi kia noho haurite i waenga i te mahi me ngā whāinga whaiaro. E mōhio ana mātou ko te kāhui mahi ora he kāhui mahi whai hua. Ka tuku mātou i ngā mea angitū me ngā toitoi kia tiaki ngā kaimahi i a rātou anō:

• Pūtea Mōhiti
• Pūtea Oranga
• Pūtea inihia hauora
• Haora whakaneke mehemea e tika ana
• Hārarei mō te haurite i waenga mahi me te oranga
• Kaupapa hauora / werotanga rewharewha

Te Akoranga me te Whanaketanga

E taea ai o mātou tāngata te whanake, mahi, whai wāhi atu hoki i runga anō i o rātou pūmanawa moe ka:

• Whakatenatenahia te whanake kaimahi me te whakamahere umanga mahi
• Āwhina kia ako te kaimahi
• Tuku akoranga mō te reo Māori
• Whakahaerehia he pae tukutuku mō te akoranga me te whanaketanga

Te Maru ā-pūtea nei

Hei rōpū rāngai tūmatanui ka taea e o mātou tāngata te uru atu ki:

• Te Kaupapa Tohu Pūtea o te Rāngai Tūmatanui
• Kiwi Saver

Manaaki Whānau

He ōrite te hira o tōu whānau ki a koe tonu. Nā reira ka:

• Mōhio mātou kei muri hoki i a koe tōu whānau
• Whakakaha ake mātou i ngā whakaritenga āwhina hārarei whānau
• Whakarite pūtea tiaki tamariki

Māori kaupapa

Hei whakahōhonu i tō mātou āheinga ahurea ka:

• Noho mātou hei rōpū kaha tautoko i te reo Māori me ngā tikanga Māori
• Tuku pūtea reo Māori, akoranga hoki
• Whakarite mātou i to mātou ake kapa haka

He mahi ngātahi ki te Rōpū Rātonga Tūmatanui

• He whakaaetanga mahi ā-ohu nei
• Noho here mātou ki te mahi ngātahi mō te kounga

Last modified: 15/04/2008