Nā Te Puni Kōkiri tētahi parakuihi whakanui i ngā wāhine Māori o Taranaki i tautoko.  Rahi ake i te toru tekau ngā wāhine Māori nō Te Tai Hauāuru whānui i whakarauika atu ki Hāwera ki te whakanui i te mana o te wahine.

Ko Tākuta Farah Palmer te kaikauhau o te ata me tana whaikōrero whakamīharo e whakamana nei i te wahine. Tokoono ngā wāhine i whakanuia mō ā rātou mahi nui ko Gillian Thorpe rātou ko Eva Eriwata, ko Te Wai Hohaia, ko Jackie Broughton, ko Maria Hemara-Wahanui ko Gloria Rehu. He mea pānui hoki te pukapuka hou nei a Karangaora “Matarakau – healing stories of Taranaki.”